Аккра

Мавод аз Википедиа — донишномаи озод
Ҷаҳиш ба: новбари, Ҷустуҷӯи
Маҳалли аҳолинишин
Аккра
англисӣ: Ghana
Координатаҳо

5°36′13″ а. шим. 0°11′13″ т. ғ.HGЯO

Роҳбар

Mohammed Adjei Sowah[d]

Коди телефон

0302, 0302

Нишон додан/Пинҳон кардани харита
Аккра дар харитаи
Аккра
Аккра

Аккра (англисӣ: Accra) — яке аз шаҳрҳои Африқо аст. Пойтахти Гана аст.

Ҷуғрофия[вироиш]

Дар ҷануби мамлакат, дар соҳили халиҷи Гвинея ҷойгир аст.

Аҳолӣ[вироиш]

Аҳолиаш 2 291 352 ҳазор нафар (2012).

Саноат[вироиш]

Маркази саноатӣ, нақлиётӣ ва фарҳангӣ. Бандари баҳрӣ, роҳи оҳан, аэропорти байналхалқӣ дорад. Ба Аккра аввалин шуда асри 15 португалиҳо омаданд. Ин ҳудудро Дания, Нидерландия ва Британия соҳиб шудан мехостанд ва ҳар яке дар соҳил қалъаҳои мудофиавии худро месохт.

Таърих[вироиш]

Аккра дар атрофи ду қалъаи дар асри 16 аз ҷониби европоиён биноёфтаи Ашер-Форт (Британия) ва Кристианборг (Дания) бунёд шудааст. Солҳои 1876 – 1957 Аккра маркази маъмурии мулки мустамликавии Британия бо номи Соҳили Тиллоӣ буд. Аз с. 1957 – пойтахти давлати мустақили Гана.

Иқтисодиёт[вироиш]

Аккра дорои корхонаҳои саноатии (70%-и иқтидори истеҳсолӣ ин ҷо ҷойгиранд) коркарди металл, хӯрокворӣ, бофандагӣ, коркарди чӯб, масолеҳи бинокорӣ, маҳсулоти нефту газ ва истеҳсоли доруворӣ мебошад. Аккра дар қитъа бозори машҳури фурӯши алмос ва какао ҳисоб мешавад. Дар маркази Аккра биноҳои замонавии бисёртабақа (бонкҳо, фурӯшгоҳҳои универсалӣ, маркази Стейт-ҳаус барои баргузории конференсияҳои байналхалқӣ ва ғайра) ҷой гирифта, атрофаш аз биноҳои кӯҳнасохти камтабақа иборат аст. Аккра дорои музейи миллӣ, театри драмавӣ, боғи ботаникӣ мебошад. Донишгоҳи давлатӣ дар мавзеи наздишаҳрии Легон воқеъ гаштааст. Аз ёдгориҳои меъморӣ қалъаҳои қадимии Ушер (1605, голландӣ), Ҷеймс (1673, англисӣ) ва ғайра боқӣ мондаанд.

Эзоҳ[вироиш]

Сарчашма[вироиш]

Энсиклопедияи Миллии Тоҷик Мақола дар асоси маводи Энсиклопедияи Миллии Тоҷик навишта шудааст.