Истаравшан

Аз Википедиа
Ҷаҳиш ба: новбари, Ҷустуҷӯи


Истаравшан
[[Акс:{{{Харита}}}|center|200px]]
Istaravshan town.JPG
Нишон
{{{Нишон}}}
Вилоят: Суғд
Замони таъсис: {{{Замони таъсис}}}
Шаҳр аз: Истаравшан
Координатаҳо: ?? с.ш.; ?? в.д.
Иқлим:
Масоҳат (га): 1,830.09 км мук.
Паҳноӣ(км): {{{Паҳноӣ}}}
Дарозӣ (км): {{{Дарозӣ}}}
Аҳолӣ, ҳазор нафар: 199,000
Коди телефонӣ: +992 {{{Коди телефонӣ}}}
Нишонаи почта: 735610
Вақт: UTC +5

Истаравшан - маркази ноҳияи Истаравшан ва яке аз шаҳрҳои қадимтарин дар Осиёи Марказӣ ба шумор меравад. Курушкада, Киропол, Уструшана, Суйдуйшана, Уротеппа баъзе аз номҳои пештараи ин шаҳр буданд.

Ҳар шаҳр мисли ҳар як инсон тақдиру сарнавиштҳои қазову қадар, симову чеҳраи махсуси худро дорост. Таърих гувоҳ аст, ки Истаравшани бостони яке аз шаҳрҳои қадимтарини Осиёи Маркази буда, таъриху тамаддун, адабу фарҳанги хоси хешро дошта, дар ҳаёти сиёсию иктисоди ва ичтимоию фарҳангии ин қаламрав нақшу мавқеъи муҳимро бозидааст ва Худо хоҳад мебозад. Аз ин ру, беҳуда нест, ки онро ҳамсамту ҳамрадифи шаҳрҳои машхури Бухорою Самарқанд мешуморанд. Ҳар пора хишту похсадевори осори кухани Истаравшани бостони аз афтидану хестанҳо, сухтану сохтанҳо, шикастану пайвастанҳо ва борхо завол ёфтану бозгашта эҳё шуданҳо, яъне аз тамаддуни дерина, давлатдории куҳанбунёд ва заҳматписандию ободгарии миллати ҷафокашидаю сарбаланди тоҷик қисса мекунад.

Дар ҳамин ҷой аст, манзилгоҳи ман,
Дар ҳамин ҷой аст равшан роҳи ман.
Дар ҳамин ҷо ман ба дунё омадам,
Дар ҳамин ҷо чашм бино омадам.


Таърих[вироиш]

Дар таърихи тамаддуни башари шояд кам шаҳре вохурад, ки дар дарозаи наздик ба 3000 сола се маротиба, балки 4 маротиба номи худро иваз карда бошад. Киропол (Кирэсхата, Курушкада) Истаравшан, Уротеппа ва боз ҳам Истаравшан. Ин шаҳри қадима аз макони афсонаҳои зинда тули 600-700 соли охир Уротеппа ном дошт. Таърих мисолеро ёд надорад, ки ин ё он шаҳре мисли Истаравшан аз рӯзи пайдошави дар саҳфаи таърихи тамаддуни инсоният шаҳр ё кишвари қалъа андар қалъа ёд шавад. Қалъаи Муғ, Қалъаи Баланд, Қалъаи Меҳнат, Қалъачаи Гули Зард, Қалъачаи Бакавул, Қалъачаи Араб ва ғайра, ки имруз номи бархе аз мавзеъ ва деҳоти Истаравшанро ба худ гирифтаанд, дар рӯзгори мози дижу истеҳкоми Курушкада (Кирополь) Истаравшан – Уротеппаро дарбар мегирифтаанд. Ин шаҳри бостони, ки дар гузашта дар таърихи башари хамчун давлати мустакил ва вилояти комилхукук солиёни зиёд мавкеи мухимро ишғол мекардааст, ба қавли Қаҳрамони Тоҷикистон, академики Академияи Илмҳои СССР Бобоҷон Ғафуров аз замони Аирийани Ваечаҳ «Фарохнои Ориёно», ки дар китоби бузурги мардумони ориённажод «Авасто» 3000 сол қабл аз ин зикр шудааст, чун яке аз силотиҳои сукунати тоифаҳои Эрони- дар таърих ва тамаддуни тоҷикон ва дигар халкҳои Осиёи Маркази осори амиқ гузоштааст. [1]

Истаравшан аз замонҳои кадим то ба ин руз чун маъвои рушду тараккии санъат ва илму адабиёт боки мондааст. Дар ин чо рисолаҳои таърихи, асарҳои бадеи, адабиёти оммавию сиёси таваллуд мешуданд. Чуноне, ки кофтуковхои ҳафриёти собит сохтаанд, дар Истаравшани имруза нишонаҳои рузгори давраи палсолит, ки ба миёнахои хазорсолаи якум то милод тааллук дорад, боки мондаанд. Дар ин ҷо аз ҷониби одамони ҷамъияти ибтидои манзилгоххо, сарпаноххову нишеманхо сохта мешуданд. Нахустин сарчашмахои хатти оид ба Истаравшан хамчун яке аз марказхои Сугди бузург ба асри У1 то милод, яъне ба он даврахо тааллук дорад, ки Истаравшан яке аз вилоятхои империяи Ҳахоманишин махсуб мешуд. Умуман, Истаравшан имруз шахрест, ки ба осорхонаи зиндаи таърихи башари шабохат дорад. Дар шахру нохия зиёда аз 150 адад ёдгорихои таърихию фарханги ва меъмори махфуз ёфтаанд, ки хар яке аз 300 то 1500 сола таърих доранд. 6 адад дарахтони азими сарв, ки имруз дар Савристон ном мавзеъи дехаи Ругунд сар ба фалак кашидаанду гафсии танаашон баробари 10-12 кулочи одамист, умри беш аз 1400 сола доранд. Макбарахои бобои Абубакри Шибли (асриУ111), Хоча Абдурахмони Авф (асри У111), ансамбли меъмории Ҳазрати Шоҳ (асрҳои ХУ11-Х1Х), Сари Мазор (асри ХУ1) ва гайра номгуи хурди офаридахои бузургу нотакрори ҳунармандон, наччорон, наккошон, кандаккорон ва соири дигари Махдуми ин куҳандиёранд, ки хар яки он боиси ифтихори миллии мардуми точиканд. Обхои чонбахши чашмахои мусаффо, мевачоти лазизу гуворо, гиёххои шифобахши куххои Истаравшан аз азал табобатгохи табии мардумони Осиёи Маркази будааст. Макбараи Бобои Абубакри Шибли, ки дар гузари Дарвозаи Боло вокеъ гардидааст, низ аз кадимтарин ёдгориҳои таърихи мебошад. Ва бино бо акидаи муаррих Аҳрор Мухторов соли вафоти ин шахсияти бузург 773-и милодист ва азбаски дар Истаравшан дини ислом соли 822 чори гардидааст, Бобои Абубакри Шибли бояд пайрави мазҳаби зардушти бошад. Яъне ин макбараи таърихи беш аз 1230 сола дорад.

Истаравшан ва давраи Русияи подшоҳӣ[вироиш]

Баъди забти Осиёи Миёна аз ҷониби Русия анъанаҳои шаҳрсози дар Истаравшан боз такмил ёфт. Дар кисмати шимолию шаркии он бахши русии шаҳр бо номи «Гузари Урус» ба вуҷуд омад. Маъмурияти давлатии подшоҳи рус ва табакаҳои он ба эъмори калисо, иморатхои ҷамъиятию истикомати гарнизони ҳарбию почта, мактаби русию таҳҷои даст задаанд, ки он соли 1888 кушода шудааст. Сарфи назар аз он, ки ин кишвари дар гузашта мустакил вилояти маъмул ва шаӽри азим дар дарозии даврони таърихи борҳо хароб гардидаю аз нав эҳё гардидааст, тавассути заҳмати дастони тиллоии ҳунармандони мунтозаш ва мардуми бонангу ору номуси Истаравшан, суннатхои фархангию хунари хифзшуда ганитар мегардан. Гулдузону дарзиёни мохири Истаравшан, сузани, зардевори, камарбанд, ҷойнамоз, туппиҳои (тоққи) мардонаю занона ва бачагона ва соири дигари хунархои мардумиро машхур гардониданд. Чуноне, ки академик Аҳрор Мухторов дар китоби "Ҳокимони Истаравшан" ба рузномаи «Туркестанские ведомости» истинно карда навиштааст, дар соли 1882 дар Истаравшан 578 гузари хунархои мухталифдор ва 642 дукони хунармандони мардуми фаъолият мекард. Шахр зиёда аз 120 масчид дошт. Гузархои заргари, мисгари, охангари, кордгари, дегрезон, шонатарошон, косабофон, читгарон, кулолгарон, осиёдурусткунон, чармгароне ва гайра ҳоло ҳам ҳастанд ва хунарҳои дурудгариву хиштпази, танурсозиву кафшдузи, собунпазиву аллофи, ресандагию колинбофи, кошуктарошию наългари ва гайра аз ҷумлаи ҳунархои мардуми заҳматкаши Истаравшан мебошад.

Шахсиятҳои маъруф[вироиш]

Истаравшан дар дарозии таърихи пурмочаро, пуршебу фароз, вайронихою ободихои хеш шахсиятхои зиёдеро дар худ дорад, ки бо ин он амали худ аз ёди одамон зудуда намешаванд. Мардумон имруз хам номхои сарлашкори Чингизу Темури Ланг, Искандари Макдуни ва дигаронро, ки барои амали сохтани максадхои сиёхи хеш харобкорихои зиёд кардаанд, фаромуш карда наметавонад. Дар баробари ин тули асрхову солиёни зиёд мардумони бостоншахр номхои шахсонеро ки барои ободии диёру осудагии мардуми он шучоату корнамоихо нишон додаанд, хамвора вирди забон мекунанд. Ноибу Рухшона, Абдулатиф Султону Рустамбек, Хоҷа Фахриддину Эшони Хоҷаҷон, Мулло Сироҷу Бобо Мусо, Бобо Содику Олим Почоев, Рахмон Рахимову, Наби Акрамов, Роза Ҳакимоваю Сабохат Ҷамолова, Аҳрор Мухторову Кароматулло Олимов ва даҳҳо дигарон аз хамин радиф родмардону бонувони шучоъу ободкору осоишгоххои Истаравшан будаанд.

Соли 2002 мардуми Истаравшан 2500 солагии шаҳри қадимаро ҷашн гирифт.

Деҳаи Сўфӣ Ориф[вироиш]

Деҳаи Сўфӣ Ориф яке аз деҳаҳои қўҳантарини ш. Истаравшанӣ бостонӣ ба шумор рафта ҳамчун деҳаи токпарвар дар тамоми шаҳру вилоят мешиносанд. Сўфӣ Ориф аз ҷониби шарқ бо деҳа Қаробўин ноҳияи Ғончӣ аз тарафи ҷануб бо деҳаи Яккабоғ, аз ҷониби ғарб бо деҳаи Қалачаи Араб ва аз ҷониби Шимол ба деҳаи Ҷарқурғон ҳамсарҳад аст. Масофаи роҳ аз деҳаи Сўфӣ Ориф то маркази шаҳр 5км буда, то шаҳри Душанбе 280 км ва то маркази вилоят шаҳри Хуҷанд 75км–ро ташкил менамояд. Бояд хотир нишон кард,ки табиати зебои ин диёр дар баҳору тобистон диққати ҳар бинандаро ба худ ҷалб мекунад. Аз ҳар сўи деҳа ҷаҳ-ҷаҳи булбулон, манзараи дилрабои токзорону боғҳои себу нокзорон, майдонҳои зардолую шафтолу бинандаро мафтун мегардонад. Худо агар ба ҳаркас насиб гардонад, ки як бор ба деҳоти Сўфӣ Ориф ояд, бо мардуми шарифу бомаърифат дилкушоду саховатманд, меҳмоннавозу иззатманд, зарофатгўю ҳозирҷавоби он бинишинаду ҳамсўҳбат шавад, ҳамеша хостори он мегардад, ки такрор ба такрор ба ин мавзеъ омада аз сўҳбати устодону деҳқонон, устоҳои гулкор, ахли адаб баҳра бардорад. Суруду валвалаи хаёлангези ҳофизонаш бародорон Муҳаббатовҳо ва Ҳоҷимуродовҳо махсусан суруду таронаҳои халқиашон зуд ба дилҳо роҳ ёфта, аз лавҳи хотираҳо хеҷ гоҳ фаромўш намегардад. Бинанда зуд пай мебарад, ки ин сарзамини аз ҳуснутароват, меҳру муҳаббат, самимияту садоқат, лутфу марҳмат саршораст. Дар деҳа имрўз 6 нуқтаи савдо, 2 масҷид, 1 мактаби миёнаи таҳсилоти умумӣ дорои 300 ҷои нишаст, ба халқ хизмат мерасонад. Дар мактаб 600 нафар бо 2 бас таҳсил намуда ба онҳо 100 нафар омўзгорон сабақ медиҳанд, ки 95% онҳо дорои маълумоти олианд. Инчунин дар деҳа 2 тарабхона, 2 китобхона дорои 5000 нусха китоб, ва беморхонаи шаҳрии муолиҷаи касалиҳои дил, нуқтаи хизматрасонии тиббӣ дар хизмати халқ мебошанд.

Акс[вироиш]

Боз нигаред[вироиш]

Манобеъ[вироиш]

  1. http://traveltotajikistan.org/cities-of-tajikistan/istaravshan

Пайвандҳои беруна[вироиш]