Кумитаи давлатии сармоягузорӣ ва идораи амволи давлатии Ҷумҳурии Тоҷикистон

Мавод аз Википедиа — донишномаи озод
Jump to navigation Jump to search
Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Emblem of Tajikistan.svg
Иттилооти умумӣ
Санаи таъсис

22.01.1991

Мақомоти пешина

Комитети давлатии республикавии РСС Тоҷикистон оид ба идораи молу мулки давлатӣ
Кумитаи амволи давлатии ҶШС Тоҷикистон

Мудирияти фаъолиятҳо амал мекунад

Ҳукумати Ҷумҳурии Тоҷикистон

Қароргоҳ

ш. Душанбе, кӯчаи Шотемур 27, 734025

Шумораи кормандон

93

Раиси Кумита

Ҳамрализода Фаррух Маҳмуд [1]

Муовини якуми Раиси Кумита

Муминзод Абдулмаҷид Мубин

Муовини Раиси Кумита

Наҷмиддинзода Анвар Юсуфӣ

Муовини Раиси Кумита

Нигина Анварӣ

Сайт

gki.tj

Кумитаи давлатии сармоягузорӣ ва идораи амволи давлатии Ҷумҳурии Тоҷикистон — мақомоти марказии ҳокимияти иҷроия буда, дар доираи салоҳияти худ сиёсати давлатӣ ва батанзимдарории меъёрии ҳуқуқиро дар соҳаи сармоягузорӣ тадбирҳои мақсаднок оид ба ҷалб, ҳамоҳангсозӣ ва мониторинги кӯмаки беруна, идораи амволи давлатӣ, роҳбарӣ ва амалӣ намудани раванди ғайридавлатигардонӣ ва хусусигардонии моликияти давлатӣ дар Ҷумҳурии Тоҷикистон татбиқ намуда, манфиати давлатро ҳамчун соҳибмулк намояндагӣ мекунад, фаъолиятро оид ба иҷрои барномаҳои дастгирии соҳибкорӣ анҷом медиҳад.

Таъсис[вироиш]

Кумитаи давлатии сармоягузорӣ ва идораи амволи давлатии Ҷумҳурии Тоҷикистон фаъолияти худро аз аввали солҳои соҳибистиқлолият оғоз намуд. Сараввал он бо Фармони Президенти Республикаи Советии Сотсиалистии Тоҷикистон аз 22 январи соли 1991, № УП-12 “Дар бораи таъсиси Комитети давлатии республикавии РСС Тоҷикистон оид ба идораи молу мулки давлатӣ” таъсис дода шуд. Бо Фармони Президенти Республикаи Советии Сотсиалистии Тоҷикистон аз 22 январи соли 1991, № УП-14 “Дар бораи Раиси Комитети давлатии РСС Тоҷикистон оид ба идораи молу мулки давлатӣ таъин кардани рафиқ Каримов И.Ҳ.” аввалин Раиси Комитет Каримов Исматулло Ҳомидович таъин гардид. Бо Қарори Девони вазирони Ҷумҳурии Шӯравии Сотсиалистии Тоҷикистон аз 22 августи соли 1991, №250 “Дар бораи тасдиқ намудани Низомномаи Кумитаи амволи давлатии ҶШС Тоҷикистон” аввалин низомномаи Комитет тасдиқ карда шуд. Баъдан, бо мақсади ба танзим даровардани муносибатҳои қонунгузорӣ бо Фармони Президенти Ҷумҳурии Тоҷикистон аз 16 майи соли 1997, №464 Қонуни Ҷумҳурии Тоҷикистон “Дар бораи хусусигардонии моликияти давлатӣ дар Ҷумҳурии Тоҷикистон” (с. 1997, №10, моддаи 160; с. 2002, №4, қонуни 1, моддаи 167; с. 2003, №12, моддаи 699; с. 2009, №3, моддаи 90; с.2016, №7, моддаи 630) ба тасвиб расид. Аз соли 2006 ин ҷониб, мутобиқи моддаи 12 Қонуни конститутсионии Ҷумҳурии Тоҷикистон “Дар бораи Ҳукумати Ҷумҳурии Тоҷикистон” ва ҷиҳати иҷрои Фармони Президенти Ҷумҳурии Тоҷикистон аз 30 ноябри соли 2006, №9 “Дар бораи такмил додани сохтори мақомоти марказии Ҳокимияти иҷроияи Ҷумҳурии Тоҷикистон” бо Қарори Ҳукумати Ҷумҳурии Тоҷикистон аз 28 декабри соли 2016, №590 “Дар бораи Кумитаи давлатии сармоягузорӣ ва идораи амволи давлатии Ҷумҳурии Тоҷикистон” (Қарорҳои Ҳукумати Ҷумҳурии Тоҷикистон аз 3.03.2011, №135; аз 31.05.2012, №296; аз 13.09.2012, №488) сохтор, низомнома ва номи Кумита дар таҳрири нав такмил дода шуд.

Сохтори дастгоҳи марказӣ[вироиш]

  • Роҳбарият
  • Сарраёсати сармоягузорӣ ва ҳамоҳангсозии кўмаки беруна
  • Раёсати њамоњангсозии кўмаки беруна ва мониторинги лоињањо
  • Раёсати пешбурди фаъолияти сармоягузорї
  • Раёсати моликияти давлатӣ
  • Раёсати хусусигардонӣ ва дороиҳои давлатӣ
  • Раёсати дастгирии соҳибкорӣ
  • Раёсати пешбурди низоми иҷозатдињӣ
  • Шуъбаи таъминоти ҳуқуқӣ
  • Шуъбаи кадрҳо ва корҳои махсус
  • Шуъбаи молия ва хоҷагӣ
  • Шуъбаи умумӣ ва назорат
  • Шуъбаи маҷмўӣ ва иттилоот

Номгўи ташкилотҳои системаи Кумита[вироиш]

  • Хадамоти назорати давлатии истифодаи амволи давлатӣ
  • Корхонаи воҳиди давлатӣ оид ба ташкили фурўши амволи давлатӣ
  • Корхонаи воҳиди давдатӣ оид ба нархгузорӣ
  • Корхонаи воҳиди давлатии "Тоҷинвест
  • Муассисаи давлатии "Маркази татбиқи лоиҳаҳои шарикии давлат ва бахши хусусӣ"

Роҳбарияти кумита[вироиш]

  • Раиси Кумита - Ҳамрализода Фаррух Маҳмуд [2]
  • Муовини якуми Раиси Кумита - Муминзод Абдулмаҷид Мубин
  • Муовини Раиси Кумита - Наҷмиддинзода Анвар Юсуфӣ
  • Муовини Раиси Кумита - Нигина Анварӣ

Эзоҳ[вироиш]

Пайвандҳо[вироиш]