Вазорати саноат ва технологияҳои нави Ҷумҳурии Тоҷикистон

Вазорати саноат ва технологияҳои нави Ҷумҳурии Тоҷикистон
Иттилооти умумӣ
Санаи таъсис	соли 2013
Мудирияти фаъолиятҳо амал мекунад	Ҳукумати Ҷумҳурии Тоҷикистон
Қароргоҳ	Душанбе, хиёбони Рӯдакӣ, 22 734012
Вазир	Файзуллозода Заробиддин Қудрат
Муовини якум	Шарипов Бахтиёр Маҳмудович
Муовини вазир	Рустамӣ Содиқҷон Абдукаримзода
Муовини вазир	Солеҳзода Умед Абдулло
Сайт	sanoat.tj

Вазорáти саноáт ва технологияҳóи нави Ҷумҳури́и Тоҷикистóн — мақомоти марказии ҳокимияти иҷ­роияи Ҷумҳурии Тоҷики­стон дар соҳаи саноат ва технологияҳои нав. Фаъолияти Вазорати саноат ва технологияҳои нави Ҷумҳурии Тоҷикистон аз татбиқи сиёсати ягонаи давлатӣ ва ба низоми муайян даровардани санадҳои меъёрии ҳуқуқӣ дар соҳаи саноат ва технологияҳои нави Ҷумҳурии Тоҷикистон иборат аст. Вазорат фаъолияти худро дар асоси Конститутсия (Сарқонун)-и Ҷумҳурии Тоҷикистон, қонун­ҳои кон­сти­тут­сионӣ, қонунҳои Ҷумҳурии То­ҷи­кистон, санадҳои Маҷ­лиси миллӣ ва Маҷ­лиси намояндагони Маҷлиси Олии Ҷумҳурии Тоҷикистон, фармонҳои Президенти Ҷумҳу­рии Тоҷикистон, қарорҳои Ҳукумати Ҷумҳу­рии Тоҷики­стон ва асноди ҳуқуқии байналмилалии эътирофшуда аз тарафи Ҷумҳурии Тоҷикистон созмон медиҳад.

Таъсис

Дар асоси банди 5-и Фармони Президенти Ҷумҳурии Тоҷикистон аз 19 ноябри соли 2013 №12 «Дар бораи такмили сохтори мақомоти иҷроияи ҳокимияти давлатии Ҷумҳурии Тоҷикистон» Вазорати саноат ва технологияҳои нави Ҷумҳурии Тоҷикистон таъсис дода, муқаррар карда шуд, ки вазифаҳои марбут ба саноат аз доираи ваколатҳои Вазорати энергетика ва саноати Ҷумҳурии Тоҷикистон бароварда шуда, ба Вазорати саноат ва технологияҳои нави Ҷумҳурии Тоҷикистон вогузор мегарданд. Вазорати саноат ва технологияҳои нави Ҷумҳурии Тоҷикистон дар заминаи собиқ 16 вазорату идораҳои соҳавӣ таъсис дода шудааст. Номгӯи мухтасари ин вазорату идораҳо аз он шаҳодат медиҳад, ки сохтори идоракунии саноат, тайи 10-12 соли охир то кадом андоза такмил ёфтааст:

• Вазорати саноати сабук;
• Вазорат оид ба корҳои саноат ва захираҳои ашёӣ;
• Вазорати саноати маводи сохтмон;
• Вазорати саноати маҳаллӣ;
• Вазорати хизмати маишӣ;
• Кумитаи саноати хӯрокворӣ ва коркард;
• Кумитаи саноати гӯшту шир;
• Кумитаи сангҳои қиматбаҳо ва ороишӣ;
• Кумитаи металлҳои қиматбаҳо;
• Кумитаи саноати мудофиа;
• Кумитаи давлатӣ оид ба корҳои саноат;
• Ширкати давлатӣ оид ба молҳои ниёзи мардум ва хизматрасонӣ.

Ваколатҳо ва вазифаҳои 12 вазорату идораҳои собиқ дар самти пешбурди сиёсати саноат имрӯз ба Вазорати саноат ва технологияҳои нави Ҷумҳурии Точикистон вогузор карда шудааст.

Сохтор

• Раёсати саноати хурокворӣ
• Раёсати саноати маъданҳои кӯҳӣ ва металлҳои қиматбаҳо
• Раёсати масолеҳи сохтмон
• Раёсати саноати сабук ва пилла
• Раёсати саноати ангишт
• Раёсати мошинсозӣ, саноати мудофиа ва химия
• Раёсати иҷозатномадиҳӣ
• Раёсати иқтисод ва дурнамо
• Раёсати муҳосиба ва корҳо
• Раёсати технологияҳои нав
• Шуъбаи муносибатҳои байналмилалӣ
• Шуъбаи муассисаҳои илмию таълимӣ

Роҳбарият

• Вазир-Файзуллозода Заробиддин Қудрат
• Муовини якум-Шарипов Бахтиёр Маҳмудович
• Муовини вазир-Рустамӣ Содиқҷон Абдукаримзода
• Муовини вазир-Солеҳзода Умед Абдулло

Бознигаред

• Саноати Тоҷикистон

Пайвандҳои беруна

• Сомонаи расмии Вазорати саноат ва технологияҳои нави Ҷумҳурии Тоҷикистон