Рустами Эмомалӣ

Мавод аз Википедиа — донишномаи озод
Jump to navigation Jump to search
Рустами Эмомалӣ
Рустами Эмомалӣ
Раиси Маҷлиси миллии Маҷлиси Олии Ҷумҳурии Тоҷикистон
аз 17 апрели 2020
Пешгузашта Маҳмадсаид Убайдуллоев
Раиси шаҳри Душанбе парчам
аз 4 апрели 2017
(и. в. аз 12 январ то 4 апрели 2017)[1]
Пешгузашта Маҳмадсаид Убайдуллоев
парчам Директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон
соли 2015 — 12 январи 2017
Пешгузашта Фаттоҳ Саидов
парчам Сардори Хадамоти гумруки назди Ҳукумати Ҷумҳурии Тоҷикистон
соли 2013 — соли 2015
Ҷонишин Фаттоҳ Саидов
Муовини Сардори Хадамоти гумруки назди Ҳукумати Ҷумҳурии Тоҷикистон
соли 2012 — соли 2013

Таваллуд

19 декабр 1987(1987-12-19) (32 сол)
Данғара, ҶШС Тоҷикистон, СССР

Ҷинс

мард

Ном ҳангоми таваллуд

Рустам Эмомалиевич Раҳмонов

Падар

Эмомалӣ Раҳмон

Модар

Азизмоҳ Раҳмонова

Ҳизб

Ҳизби Халқии Демократии Тоҷикистон

Таҳсилот

Донишгоҳи давлатии миллии Тоҷикистон (2008)
Академияи хизмати давлатии назди Президенти Федератсияи Русия (2011)

Эътиқод

ислом, ҳанафӣ

Ҷоизаҳо

Дорандаи ордени «Зарринтоҷ»

Commons-logo.svg Рустами Эмомалӣ дар Викианбор

Рустами Эмомалӣ (тав. 19 декабри соли 1987, ноҳияи Данғара, вилояти Кӯлоб, ҶШС Тоҷикистон) — ходими давлатӣ, генерал-майори хадамоти гумрук (2014). Раиси Маҷлиси миллии Маҷлиси Олии Ҷумҳурии Тоҷикистон аз 17 апрели соли 2020[2], раиси шаҳри Душанбе аз соли 2017[1]. Директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон (2015—2017)[3], президенти Федератсияи футболи Тоҷикистон, яке аз муассисон ва молики дастаи футболи «Истиқлол»Душанбе.

Зиндагинома

Рустами Эмомалӣ 19 декабри соли 1987 дар ноҳияи Данғара ба дунё омадааст. Маълумоташ олӣ буда, соли 2008 Донишгоҳи давлатии миллии Тоҷикистонро бо ихтисоси иқтисоддон ва соли 2011 Академияи хизмати давлатии назди Президенти Федератсияи Россияро бо ихтисоси ҳуқуқшинос хатм кардааст.

Фаъолияти корӣ

Фаъолияти меҳнатиашро соли 2006 ба ҳайси сармутахассиси шӯъбаи ҳамкорӣ бо созмони умумии савдои Вазорати рушди иқтисод ва савдои Ҷумҳурии Тоҷикистон оғоз намуда, солҳои 2009—2011 дар вазифаи сардори Раёсати дастгирии соҳибкории Кумитаи давлатии сармоягузорӣ ва идораи амволи давлатии Ҷумҳурии Тоҷикистон кор кардааст.

Солҳои 2011—2012 ҳамчун сардори Раёсати ташкили мубориза бар зидди ҳуқуқвайронкуниҳои гумруки Хадамоти гумруки назди Ҳукумати Ҷумҳурии Тоҷикистон адои вазифа намудааст.

Солҳои 2012—2013 ҳамчун муовини Сардори Хадамоти гумруки назди Ҳукумати Ҷумҳурии Тоҷикистон, ва аз ноябри cоли 2013 то марти соли 2015 дар вазифаи Сардори Хадамоти гумруки назди Ҳукумати Ҷумҳурии Тоҷикистон[4] кор кардааст.

Аз моҳи марти соли 2015 то январи соли 2017 дар вазифаи Директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон адои вазифа дошт[3].

Аз 12 январи соли 2017 бо Фармони Президенти Тоҷикистон аз вазифаи Директори Агентии назорати давлатии молиявӣ ва мубориза бо коррупсия озод ва иҷрокунандаи вазифаи Раиси шаҳри Душанбе таъйин гардид[1].

Аз 17 апрели соли 2020 Раиси Маҷлиси миллии Маҷлиси Олии Ҷумҳурии Тоҷикистон интихоб шудаст[2].

Фаъолияти ҷамъиятӣ

Гурзпартои маъруфи тоҷик Дилшод Назаров бо Раиси Федератсияи футболи Тоҷикистон Рустами Эмомалӣ
Гурзпартои маъруфи тоҷик Дилшод Назаров бо Раиси Федератсияи футболи Тоҷикистон Рустами Эмомалӣ

Дар корҳои ҷамъиятӣ фаъолона ширкат варзида, аз апрели соли 2009 муовини Раиси Иттифоқи ҷавонони Тоҷикистон, аз ноябри соли 2009 узви Кумитаи муносибатҳои байналмиллалии Шурои олимпии Осиё ва аз январи соли 2012 Раиси Федератсияи футболи Тоҷикистон интихоб шудааст.

Аз апрели соли 2019 Рустами Эмомалӣ Президенти Ассотсиатсияи футболи Осиёи Марказӣ интихоб шудааст[5].

Ҷоизаву медалҳо

Эзоҳ

  1. 1.0 1.1 1.2 Тағйироти кадрӣ дар ҳайати роҳбарии мақомоти иҷроияи маҳаллии ҳокимияти давлатӣ дар шаҳри Душанбе // PRESIDENT.TJ — 12 январи 2017, 16:01, шаҳри Душанбе.
  2. 2.0 2.1 Иштирок дар Иҷлосияи якуми Маҷлиси миллии Маҷлиси Олии Ҷумҳурии Тоҷикистон. president.tj. Хадамоти матбуоти Президенти Тоҷикистон (17 апрели 2020). 22 апрели 2020 санҷида шуд.
  3. 3.0 3.1 ФАРМОНИ ПРЕЗИДЕНТИ ҶУМҲУРИИ ТОҶИКИСТОН Дар бораи Директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон таъин намудани Рустами Эмомалӣ
  4. ҚАРОРИ ҲУКУМАТИ ҶУМҲУРИИ ТОҶИКИСТОН аз 30 ноябри cоли 2013 № 540 ш. Душанбе Дар бораи Сардори Хадамоти гумруки назди Ҳукумати Ҷумҳурии Тоҷикистон таъин намудани Рустами Эмомалӣ
  5. Sputnik. Рустам Эмомали избран президентом Центрально-Азиатской футбольной ассоциации(рус.). Sputnik Таджикистан. 4 сентябри 2019 санҷида шуд.
  6. Маросими супоридани мукофотҳои давлатӣ(тоҷ.). www.president.tj. Сомонаи расмии Президенти Тоҷикистон. 30 августи 2018 санҷида шуд.

Сарчашма