Бомғӯра

Деҳа
Бомғӯра
Кишвар	ТоҷикистонТоҷикистон
Вилоят	НТҶ
Ноҳия	Ваҳдат
Ҷамоат	Деҳоти Чӯянгарон
Забони расмӣ	тоҷикӣ
Аҳолӣ	2240 нафар (2017)
Ҳайати миллӣ	тоҷикон
Ҳайати динӣ	мусулмонон
Вақти минтақавӣ	UTC+5
Коди телефон	+992 3136
Коди мошин	TJ08

Бомғӯра — деҳа дар ҷамоати деҳоти Чӯянгарони ноҳияи Ваҳдат. Аз Бомғӯра то маркази шаҳр 16 км; роҳ мошингард. Аҳолиаш 2240 нафар (2017), тоҷикон.

Иқтисод

Деҳа нуқтаҳои савдои хусусӣ дорад. Бомғӯра мактаб надорад. Талабагон дар мактаби деҳаи Амоншайхӣ таҳсил мекунанд. Соҳаҳои асосии хоҷагӣ: боғдорӣ, пахтакорӣ, чорводорӣ ва сабзавоткорӣ. Заминҳо аз наҳри Роҳатӣ обёрӣ мешаванд.

Таърих

Бомғӯра аз солҳои 1916 бо номи Охкаппа (иборат аз мавзеъҳои Коргарони Сурх, Меҳнатобод ва Сулҳ) вуҷуд дошта, мактаби ибтидоӣ ва 7-сола, хоҷагиҳои ба номи «Чақирбой», «Маҳмараҷаббой», «Самандар» ва «Саид» будааст. Аз сабаби дар мавзеи дурдаст ҷойгир будани деҳа соли 1949 Раҳимов Нарзулло ном шахс бо супориши ҳукумати онвақта аҳолии деҳаи Охкаппаро ба мавзеи сари роҳ кӯчондааст ва он Бомғӯра ном гирифта, дар ҳайати колхози «50-солагии Комсомол» (минбаъд колхози Ҷавонӣ) қарор доштааст. Айни замон дар ҳудуди Бомғӯра кооперативи истеҳсолии «Шоразми Боло» ва 22 хоҷагии деҳқонии инфиродӣ мавҷуд аст.

Адабиёт

• Бомғӯра // Боз — Вичкут. — Д. : СИЭМТ, 2014. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2021, ҷ. 3). — ISBN 978-99947-33-46-0.

• Феҳристи номи маҳалҳои Тоҷикистон — Д.: СИЭМТ, 2013. — 332 с. — ISBN 978-99947-33-54-5