Гударз

Мавод аз Википедиа — донишномаи озод
Jump to navigation Jump to search
Гударз
Нигора
Падар Кашвод[d]
Фарзандон Гев, Руҳом[d], Баҳром ва Ҳуҷир[d]
Ишорашуда дар китоби Шоҳнома
Commons-logo.svg Парвандаҳо дар Викианбор

Гударз (форсӣ: گودرز‎) — яке аз шахсиятҳои «Шоҳнома»-и Фирдавсӣ, паҳлавони бузург аз дудмони Гударзиён.

Гударз бо зӯриву тавоноӣ, хираду тадбирҷӯӣ баъд аз Рустам дар мақоми дуввум қарор дорад. Гударз 78 писару навода — паҳлавонон, ҷангҷӯён дошт, ки аз замони Манучеҳр то ба давраи Кайхусраву Луҳросп дар хидмати шоҳони Эрон буданд. Дар замони Кайковус ба Мозандарон рафта, дар банди девон, дар Ҳомоварон ба банди шоҳи Ҳомоварон афтод. Аз ин ду асорат Кайковус ва паҳлавонони Эрон, аз ҷумла Гударзро Рустам озод кард. Замони ба Эрон ҳуҷум кардани Суҳроб Кайковус Гевро барои даъват кардани Рустам фиристод, аммо Рустам ба хидмати Кайковус дер расид. Кайковус аз Рустам хашм гирифт. Рустам азми баргаштан ба Зобулистон кард, аммо танҳо Гударз тавонист ӯро аз роҳаш баргардонад. Дар охири ҳукмронии Кайковус вазъи кишвари Эрон ошуфта гардида буд. Эзад Сурӯш ба хоби Гударз даромад ва ба ӯ гуфт, ки аз Турон писари Сиёвуш Кайхусравро оварда ба тахт бояд нишонад, то ин ки дар Эрон оромиву осоиш фаро бирасад. Ба гуфти Сурӯш Кайхусравро танҳо Гев писари Гударз оварда метавонист. Гударз писараш Гевро ба ҷустуҷӯи Кайхусрав равона сохт ва ӯ Кайхусравро ба Эрон овард. Дар замони ҳукмронии Кайхусрав низ Гударз дар набардҳо бо Афросиёб иштирок кард. Дар яке аз ҷангҳо аз дудмони ӯ 70 нафар кушта шуданд. Гударз дар ҷанги ёздаҳ/дувоздаҳ рух бо Пирон — сипаҳсолори Турон ҷангид ва ӯро мағлуб кард.

Номи Гударз ва Гударзиён дар Авесто наёмадааст. Дар осори таърихӣ Гударз бо хонадонаш ба сулолаи Ашкониён мансубанд, ки баъдан ба ҳамосаи миллӣ роҳ ёфта, мавқеи муносибро касб намудаанд.

Таборнома[вироиш | вироиши манбаъ]

Кашвод
Гударз
ГевШидвашНастуҳРуҳомБаҳромҲуҷир
Бежан

Эзоҳ[вироиш | вироиши манбаъ]

Адабиёт[вироиш | вироиши манбаъ]