Гултеппа

Деҳаи Гултеппа
Деҳаи Гултеппа. Манзараи умумӣ
Кишвар	Тоҷикистон
Вилоят	Ноҳияҳои тобеи марказ
Ноҳия	Файзобод
Ҷамоат	Деҳоти Мискинобод
Таъсис	соли 1925
Аҳолӣ	1150 нафар (2014), тоҷикон
Хоҷагӣ	135

Гултеппа — деҳа дар ҳудуди ҷамоати деҳоти Мискинободи ноҳияи Файзобод. Аз деҳа то маркази ноҳия 30 км; роҳ мошингард. Аҳолиаш 1150 нафар (2014), тоҷикон. Аз 135 хоҷагӣ иборат аст.

Таърих

Гултеппа соли 1925 ташкил шудааст. Бунёдгузорони асосӣ — Абдуллоев Сафар, Расулов Толиб, Холов Расул, Сафаров Азиз аз дараи Луғури ноҳияи Нуробод омада ин деҳаро обод намудаанд.

Иқтисод

Деҳа мактаби таҳсилоти миёнаи умумӣ, бунгоҳи тиббӣ, масҷиди панҷвақта, чойхона ва нуқтаҳои савдои хусусӣ дорад. Мардуми деҳа ба боғдорӣ, чорводорӣ ва ғаллакорӣ машғуланд. Заминҳо аз дарёи Харкуш ба воситаи наҳри Сардара обёрӣ мешаванд. Дар ҳудуди Гултеппа 17 хоҷагии хурди деҳқонӣ мавҷуд аст.

Шахсиятҳои маъруф

Олими соҳаи кишоварзӣ Нозил Саидов, Муаллими хидматнишондодаи Ҷумҳурии Тоҷикистон Сайфулло Сафаров дар ҳамин деҳа зода шудаанд.

Нигористон

• 
  Охирҳои фасли Баҳор
• 
  Боғи себ
• 
  Роҳи деҳа
• 
  Саҳни Мактаб
• 
  Бинои нави мактаб
• 
  Муассисаи таҳсилоти миёнаи умумӣ
• 
  Бунгоҳи тиббӣ

Адабиёт

• Гултеппа // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.