Ноҳияи Зафаробод

Мавод аз Википедиа — донишномаи озод
Ҷаҳиш ба: новбари, Ҷустуҷӯи
Ноҳияи Зафаробод
Мамлакат

Тоҷикистон

Унвон

Ноҳияи маъмурӣ

Тобеи

Вилояти Суғд

Шомили

2 шаҳрак, 3 ҷамоат

Маркази маъмурӣ

Зафаробод

Санаи таъсис

20 декабри 1965

Забони расмӣ

тоҷикӣ

Аҳолӣ (2015)

67 400 [1] нафар

Зичӣ

168,5 кас/км²

Гурӯҳҳои миллӣ

тоҷикон

Гурӯҳҳои динӣ

мусулмонон-суннҳо

Масоҳат

441,0 км² км²

Location of Zafarobod District in Tajikistan.png

Минтақаи замонӣ

UTC+5

Сарвожа

ZA

Коди ISO 3166-2

TJ.SU.ZA

Коди телефон

+992 3452

Нишонаи почта

735600

Домени Интернет

tj

Шумораи мошинҳо

02 TJ

Commons-logo.svg Ноҳияи Зафаробод дар Викианбор

Координатаҳо: 40°09′40″ а. шм. 68°48′08″ т. шқ. / 40.16111° а. шм. 68.80222° т. шқ. / 40.16111; 68.80222 (G) (O)


Ноҳияи Зафаробод — яке аз ноҳияҳои вилояти Суғд аст. Маркази ноҳия шаҳраки Зафаробод. Ноҳия 20 декабри 1965 ташкил шудааст. Аҳолӣ: 67,4 ҳазор нафар. Масоҳат: 441,0 км². Масофа: аз маркази ноҳия то Хуҷанд 106 км.

Ҷойгоҳ[вироиш]

Иқлим[вироиш]

Таърих[вироиш]

Ноҳия солҳои 1960-1965 ташкил шудааст. Оғози солҳои 1970 аз водии Яғноб мардум ба ин ноҳия муҳоҷир шудаанд. Ба ноҳия аз дигар шаҳру навоҳии гирду атроф (аз ҷумла, аз ноҳияҳои Айнӣ, Шаҳристон, Хуҷанд, Ғончӣ ва аз Ҷумҳурии Ӯзбекистон омада, муқимӣ гаштаанд. Дар даврони шӯравӣ дар ноҳия намояндагони дигар халқу миллат (аз ҷумла, русзабону кореягиҳо, тотору чувашҳо ва ғ.) низ истиқомат мекарданд. Алҳол асоси ноҳияро мардуми тоҷикзабон ва ӯзбекзабон ташкил медиҳад. Дар солҳои аввали азхудкунии биёбони Мирзочӯл дар ин мавзеъ ҳамагӣ ду деҳа бо 60 хоҷагӣ вуҷуд дошт. Алҳол, баъди гузашти зиёда аз ним аср ноҳия дорои 18 деҳа, се шаҳрак ва даҳҳо маҳалҳои аҳолинишин мебошад.

Вазъи демографӣ[вироиш]

Шумораи аҳолии ноҳия дар бисту панҷ соли истиқлолият беш аз 25 ҳазор нафар зиёд гардида, аз 44 ҳазор нафари соли 1991 имрӯз қариб ба 70 ҳазор нафар расидааст.[2] Аҳолии ноҳия бино ба маълумоти оморӣ 67 400 нафар, аз ҷумла дар шаҳракҳо — дар шаҳраки Зафаробод (17,2 ҳаз.), Меҳнатобод (10,8 ҳаз.), Пахтакорон (10,0 ҳаз.) — 56,4 % ҷамъ 38 000 нафар буд (1 январи соли 2015).[3]

Бахшбандӣ[вироиш]

Бар асоси Қонуни тақсимоти кишварӣ, ноҳияи Зафаробод 3 шаҳрак ва 3 ҷамоат дорад[4]:

Шаҳраку ҷамоатҳои ноҳияи Зафаробод [5]
Ҷамоат Аҳолӣ
Зафаробод (шаҳрак) 17,2 ҳаз
Меҳнатобод (шаҳрак) 10,8 ҳаз.
Ҳомид Алиев
Ҷомӣ
Равшан

Ҳукумат[вироиш]

Сарвари ноҳияи Зафаробод Раиси Ҳукумати он аст, ки вайро Раиси Ҷумҳурии Тоҷикистон таъйин мекунад. Ниҳоди қонунгузори ноҳияи Зафаробод Маҷлиси намояндагони халқӣ мебошад, ки онро раъйдиҳандагони ноҳияи Ғончӣ барои 5 сол интихоб мекунанд.

Иқтисод[вироиш]

Зафаробод ноҳияи аграрӣ буда, кишоварзӣ шуғли асосии сокинони он ба ҳисоб меравад. Парвариши пахта, яке аз соҳаи сердаромад ва содиротӣ ноҳия мебошад. Зеро зиёда аз 90 фоизи маҳсулоти саноатии ноҳия аз истеҳсоли пахта вобаста аст. Ғайр аз ин, пахтакорӣ сарчашмаи муҳайё кардани ҷойи корӣ ва манбаи хуби даромади аҳолӣ мебошад. Қисми бештари заминҳои ноҳияи Зафаробод бо усули обёрии мошинӣ бо об таъмин карда мешавад.

Солҳои аввали соҳибистиқлолӣ дар ноҳияи Зафаробод ягон корхонаи саноатӣ вуҷуд надошт. Дар зарфи 25 сол дар ноҳия 15 корхонаи нави саноатӣ таъсис дода шуд, ки дар онҳо садҳо нафар сокинони ноҳия бо ҷойи кор таъмин гардидаанд. Аксари корхонаҳо фаъолияти мавсимӣ дошта, дар давоми сол ҳамагӣ чор-панҷ моҳ кор мекунанд.[6]

Роҳҳои мошингард[вироиш]

Дар солҳои 2014-2016 бо мақсади ҳалли мушкилоти мардуми ноҳияи Зафаробод барои иртибот бо пойтахти кишвар роҳи мошингарди Зафаробод — Истаравшан пурра таъмир карда шуд. Фосилаи роҳи мазкур 22 километр буда, имрӯз рафтуомади сокинони ноҳияи Зафарободро бамаротиб осон намудааст.[7]

Эзоҳ[вироиш]

Сарчашма[вироиш]


Ноҳияҳои вилояти Суғд
Ноҳияи АйнӣНоҳияи АштНоҳияи ҒафуровНоҳияи ҒончӣНоҳияи ЗафарободНоҳияи ИстаравшанНоҳияи ИсфараНоҳияи КонибодомНоҳияи Кӯҳистони МастчоҳНоҳияи МастчоҳНоҳияи ПанҷакентНоҳияи Ҷаббор РасуловНоҳияи СпитаманНоҳияи Шаҳристон