Порлумони Тоҷикистон

Мавод аз Википедиа — донишномаи озод
(Тағйири масир аз Маҷлиси Олӣ)
Ҷаҳиш ба: новбари, Ҷустуҷӯи

Дар боби сеюми Конститутсияи (Сарқонуни) Ҷумҳурии Тоҷикистон қоидаҳои умумии фаъолияти Парламенти Тоҷикистон - Маҷлиси Олии Ҷумҳурии Тоҷикистон навишта шудааст.

Дар моддаи 48 Конститутсияи (Сарқонуни) Ҷумҳурии Тоҷикистон чунин омадааст, ки Маҷлиси Олӣ мақоми олии намояндагӣ ва қонунгузории Ҷумҳурии Тоҷикистон мебощад.

Маҷлиси Олӣ аз ду маҷлис - Маҷлиси миллӣ ва Маҷлиси намояндагон иборат аст (Маҷлиси ду палатагӣ баъд аз ворид гардидани тагйироту иловаҳои раъйпурсии уммумихалқии соли 1999 ба Конститутсияи (Сарқонуни) Ҷумҳурии Тоҷикистон ворид карда шудааст). Мӯҳлати ваколати Маҷлиси миллӣ ва Маҷлиси намояндагон 5 сол аст. Ташкил ва фаъолияти Маҷлиси Олиро қонуни конститутсионӣ танзим мекунад.

Тартиби ташаккул[вироиш]

Дар моддаи 49 тартиби ташаккули Маҷлиси Олӣ нишон дода шудааст. Маҷлиси намояндагон тариқи интихоботи умумӣ, баробар, мустақим ва овоздиҳии пинҳонӣ сурат мегирад ва доимоамалкунандаву касбӣ мебошад (умуман - 63 вакили Маҷлиси намояндагон). Шаҳрванде, ки сини ӯ аз 25 боло аст ва дорои таҳсилоти олӣ мебошад, метавонад вакили Маҷлиси намояндагон интихоб шавад.

Дар моддаи 49 тартиби ташаккули Маҷлиси Олии Ҷумҳурии Тоҷикистон нишон дода шудааст. Аз чор се ҳиссаи аъзоёни Маҷлиси миллӣ ба таври ғайримустақим аз Вилояти Мухтори Кӯҳистони Бадахшон ва вилоятҳо ва шаҳру ноҳияҳои онҳо, шаҳри Душанбе ва ноҳияҳои он, ноҳияҳои тобеи ҷумҳурӣ бо овоздиҳии пинҳонӣ интихоб мешаванд (ҷамъ - 25 вакил). Аз чор як ҳиссаи аъзоёни Маҷлиси миллиро (8 вакилро), Президенти Ҷумҳурии Тоҷикистон таъин мекунад. Ҳайати Маҷлиси миллӣ - 33 вакили маҷлисро дарбар мегирад. Фаъолияти Маҷлиси миллӣ даъватӣ мебошад. Шаҳрванде, ки сини ӯ аз 35 боло аст ва дорои таҳсилоти олӣ мебошад, метавонад вакили Маҷлиси миллӣ интихоб ё таъин шавад. [1]

Манобеъ[вироиш]

  1. http://parlament.tj/

Нигаред[вироиш]

Пайвандҳои беруна[вироиш]